Tamil Recipes‎ > ‎

ஐஸ் கிரீம் போல திக்கான புளிக்காத தயிர் தயாரிப்பது எப்படி?

posted 7 Nov 2012, 11:16 by Mallika Iyer   [ updated 8 Nov 2012, 09:31 by Rajmi Arun ]

குழந்தைகளுக்கு பிடித்த மாதிரி கெட்டித்  தயிரை இனிமேல் கடையில் போய் வாங்க வேண்டாம். ரொம்ப ஈசியா வீட்டிலேயே செய்யலாம் - எப்படி என்று பார்ப்போமா?


தேவையான பொருட்கள்: 

பால்   - ஒரு லிட்டர் 
தயிர்  - ஒரு டீஸ்பூன் 

செய்முறை :

முதலில் பாலை தண்ணீர் சேர்க்காமல் காய்ச்ச வேண்டும். நன்கு காய்ந்தவுடன் பாலின் மேற்ப்பகுதியில் பாலாடை திரண்டு வரும். அந்த சமயத்தில் அடுப்பை குறைத்து மேலும் சிறிது நேரம் சுட வைக்கவும். பின்னர் அடுப்பிலிருந்து இறக்கி நன்கு ஆற விட வேண்டும்.  ஓரளவிற்கு ஆறி அறையின் வெப்ப நிலைக்கு வந்தவுடன் எடுத்து வைத்திருக்கும் ஒரு டீஸ்பூன் தயிரை அதன் மேல் விட்டு ஸ்பூனால் சிறிது கிளறி விட்டு ஒரு தட்டை போட்டு மூடி வெளியில் வைத்து விட வேண்டும். பிரிட்ஜில் வைக்க கூடாது. 

நாம் இருக்கும் ஊரின் வெப்ப நிலைக்கு ஏற்றவாறு 5 லிருந்து 6 மணி நேரமோ அதற்கு மேலோ இப்படி வைக்க வேண்டும். பின்னர் அதை பிரிட்ஜில் வைத்து உபயோகிக்கலாம்.

இப்படி  சிறிய கிண்ணங்களில் நிரப்பி தயாரிக்கும் தயிரை அப்படியே கப்புகளில் கொடுத்தால் குழந்தைகள் விரும்பி சாப்பிடுவார்கள். 
Comments